2013年8月27日 星期二

Contemporary electronic music. 上海复兴方案


我向來都唔喜歡什麼fusion, mash up,尤其是嗰班沒有基本功的死僆仔,憑什麼學藝未精就學人東取一些,西取一些,結果只是一舊混合咗幾隻口味嘅屎,骨子裡都只係一舊屎。Unfortunately, 今時今日已經冇人追求技藝,而係講gimmickFor example, 今日喺得香港開餐廳嘅人都唔係識食或者識煮嘅人,而係識搞gimmick識搵錢嘅衰人。廚藝不是最重要,主題裝修宣傳才是常識吧?睇下咩便所餐廳、Hello Kitty CaféBaby Café;你問我好唔好食,我並唔會答你「見仁見智」呢啲咁不負責任嘅言論,係唔.好.食.囉。今日香港做廚師之所以做到咁慘,都唔係冇原因;識得好多入口廚房佬,嚟到香港日日都同老細嘈到拆哂天。你想買靚料?唔得喎,不如你用啲cheap嘢嚟堆碟好睇唔好食嘅俾班港女嚟影相打卡仲好啦?你覺得你識煮嘢好叻咩?高薪請你班外勞返嚟訪問完上完雜誌setmenu,唔聽話嘅我做咩要忍你?請個月薪$8500嘅新仔返嚟唔好?都莫講香港賤視做廚房嘅文化啦。

講咗咁耐,呢首fusion東方styleHip-Hop,Electronica,Jazz等等嘅pudong new district又幾好聽。雖然上海係唔會用繁體字,唔會講廣東話;雖然我成日覺得所有打正中國旗號嘅嘢都係呃鬼佬;雖然好多無知嘅白皮仍然覺得香港係日本嘅一部分,然後對從來都冇出現過嘅China town形象作無限幻想(是但一套Hollywood電影嘅中國場面都經常令我笑到gap gap聲)。

在中國不斷想走出中國嘅時候,藍眼綠眼就不斷想神化某啲中國風格,但另一方面就賤視創造同埋活喺呢啲 ‘so Chinese’嘅氛圍裡面嘅中國人。其實,如果冇呢啲蹲在地上的中國人 係唔會有小籠包同人力車俾你食同坐。

識得一個生活在上海的西人,成日向其他海外西人表示自己有幾鐘意亞洲 ;但其實佢係一個躲在洋人圈子的偽中國熱者。就好似一個住在銅鑼灣,番中環工,放假去愉景灣嘅所謂居港人士,我諗佢最鐘意嘅唔係中國,而係最唔中國嘅自己。一個白垃在中國忽然稱王又稱霸的莫名優越感,的確令好多人誤以為自己愛上了這塊無辜的土地。咁樣計嚟,其實佢究竟係鐘意我哋咁Chinese呀,定係以我哋咁Chinese嚟突顯佢地咁western嘅(自以為)好呢?假如有一日佢發現天朝人somehow比最世上優質嘅西人好時,佢究竟仲愛唔愛紅燈籠同Chinese Kungfu

假如你問一個所謂自稱中國愛好者,你問佢鐘意中國啲乜,我肯定十個有七個都答唔出,well咗四五秒先識亂答你the food is great, things are cheap, landscape is wonderful. 然後當你再天真到開始以為佢地真心愛中國,想同佢哋暢談中國人權問題,儒家思想,傳統工藝習俗;當你見到佢個不耐煩樣,對比起,個鬼佬同你自己分享佢鄉下逸事嘅時候,你副激情同興奮嘅模樣;你就知原來你係幾咁simple and naive.

I live in China for two years.
其實你想說你活在自己的世界兩年吧?

By the way,
首歌真係幾好聽。